Mourino Dortmundning "Borussiya" klubi bilan muzokara o'tkazdi

"Manchester Yunayted"ning sobiq bosh murabbiyi Joze Mourino Germaniya chempionatiga o'tishi mumkin. Bu haqda Daily Mail nufuzli Bild nashriga tayanib xabar bermoqda.

Manbaga ko‘ra, Dortmundning “Borussiya” klubi bosh direktori Xans-Yoaxim Vatske portugaliyalik mutaxassis bilan bog‘lanib, Lyusen Favr ishdan bo‘shatilgan taqdirda unga jamoani boshqarishni taklif qilgan. Qayd etilishicha, Mourino ishga kirishishga tayyor. U allaqachon nemis tilini o'rganishni boshlagan.

Shveytsariyalik murabbiy Lyusen Favr 2018 yilning yozida “Borussiya”ni boshqargan edi. O'tgan mavsumda uning jamoasi Bundesligada ikkinchi o'rinni egalladi. Joriy mavsumda ular 4 o'yinda 8 ochko jamg'argan holda 15-o'rinda bormoqda.

Mourinoga kelsak, matbuotning yozishicha, unga Zinedin Zidanni ishdan bo'shatish haqida o'ylayotgan "Real Madrid" qiziqmoqda.