De Xea Premer-liganing eng ko'p maosh oluvchi futbolchisi deb topildi

Nufuzli Sportmac portali Angliya premer-ligasida eng ko'p maosh oluvchi futbolchilar ro'yxatini e'lon qildi.

Shu tariqa, bu ko'rsatkich bo'yicha birinchi o'rinni "Manchester Yunayted"da to'p surayotgan ispaniyalik darvozabon David de Xea egalladi. Uning yillik maoshi 23 million yevroni tashkil qiladi.

Ikkinchi o‘rinni belgiyalik “Manchester Siti” yarim himoyachisi Kevin De Bryuyne egallab turibdi. U 19,7 million yevro oladi. Kuchli uchlikni uning jamoadoshi, angliyalik hujumchi Rahim Sterling yakunlab berdi, u 18,5 million yevro oladi.

E’tiborlisi, germaniyalik yarim himoyachi Mesut O‘zil (16,5 million yevro) Londonning “Arsenal” lagerida eng ko‘p maosh oladi, “Liverpul” lagerida esa bu nom Misr terma jamoasi hujumchisi Muhammad Salohga (12,3 million yevro) tegishli.

Premer-ligada eng ko'p maosh oluvchi 15 nafar futbolchi

1. David De Xea («Manchester Yunayted»), 23 million yevro;

2. Kevin De Bryuyne (“Manchester Siti”), 19,7 million yevro;

3. Rahim Sterling (“Manchester Siti”), 18,5 million yevro;

4. Pol Pogba (“Manchester Yunayted”), 17,8 million yevro;

5. Mesut O‘zil (“Arsenal”), 16,5 million yevro;

6. Entoni Marsyal (“Manchester Yunayted”), 15,3 million yevro;

7. Serxio Aguero («Manchester Siti»), 14,1 million yevro;

8. Muhammad Saloh (“Liverpul”), 12,3 million yevro;

8. Markus Reshford (“Manchester Yunayted”), 12,3 million yevro;

8. Harri Keyn (“Tottenxem”), 12,3 million yevro;

8. Tanguy Ndombele (“Tottenxem”), 12,3 million yevro;

12. Aleksandr Lyakazet (Arsenal), 11,1 million yevro;

13. Roberto Firmino («Liverpul»), 11 million yevro;

14. Virjil van Deyk (“Liverpul”), 10,1 million yevro;

15. Garri Maguayr (“Manchester Yunayted”), 10 million yevro.

---