Eronda ayollarning futbol o'yinlariga borishiga taqiq qo'yilganiga qarshi norozilik sifatida yosh ayol o'zini yoqib yubordi, deb xabar beradi elconfidencial.com . Hodisa 8-sentabr, yakshanba kuni sodir bo'lgan. U darhol kasalxonaga olib ketilgan va dushanba kuni kechqurun kuyish jarohatlaridan vafot etgan.
Qayd etilishicha, marhum sevimli jamoasining futbol o‘yiniga borishga uringani uchun olti oylik qamoq jazosiga hukm qilingan. “Esteg‘lol” va “Al Ayn” jamoalari o‘rtasidagi o‘yin 1:0 hisobida yakunlandi va qiz politsiya xodimlarini haqorat qilishda ayblanib, hibsga olindi.
Qiz garov evaziga ozod qilinganiga qaramay, hukm keyinroq tasdiqlandi: u olti oy qamoqda o'tirishi kerak edi. Bu uni o'zini o'zi yoqib yuborishga undadi. Yosh ayolning o'limi jamoatchilikni hayratda qoldirdi, ko'pchilik sud tizimini va politsiyaning harakatlarini tanqid qilib, marhumning o'limida ularni ayblay boshladi.
Bu holat alohida emas. Avgust oyida to'rt ayol ham o'yinga borishga uringani uchun hibsga olingan edi.
Comments 0