XOQ bir oydan keyin Tokio Olimpiadasi haqida qaror qabul qiladi

Britaniyaning ITV telekanali jurnalisti Stiv Skott Xalqaro olimpiya qo‘mitasining (XOQ) Tokiodagi o‘yinlarni tashkil etish bo‘yicha rejalari haqida ma’lumot berdi.

U Twitter’da XOQ ijroiya qo‘mitasiga koronavirus pandemiyasidan kelib chiqadigan mavjud vaziyatni sinchkovlik bilan ko‘rib chiqish uchun yana to‘rt hafta muhlat berganini yozdi.

“Bu birinchi marta qaror qabul qilish muddati belgilandi. Ishlar oldinga siljiydi”, — deb yozgan Skott.

Eslatib o‘tamiz, Tokioda (Yaponiya) yozgi Olimpiya o‘yinlari 24 iyuldan 25 avgustga qadar o‘tkazilishi kerak.